Dulkon gaskal pasieantta ja dálkkodeaddji sáhttá leat sihke fysalaččat ja digitálalaččat. Dulkkas ii leat eará rolla go leat dulka gaskal pasieantta ja dálkkodeaddji, ja sus lea jávohisvuođageatnegasvuohta. Cuoŋománu 2023 rájis lea sámi dulka Henrik Johansen Eira UNN`as gávdnamis Romssas. Son fállá fysalaš dulkoma Romssas ja Hárstták`as, ja muđui maiddái digitálalaččat. Govven: Hege Iren Hanssen.
Don válljet makkár giela don áiggut hupmat
Olu bargit UNN`as eai máhte sámegiela, ja mii leat dan dihte sorjavaččat oažžut rievttes ja čielggadeaddji dieđuid du dearvvašvuođa birra. Dat lea dan dihte dehálaš midjiide atnit dulkka. Min dulkkain lea jávohisgeatnegasvuohta. Pasieanttat vásihit dan dego oadjebasvuohtan atnit dulkka: Go lea buohcci, de lea álkibut atnit iežas eatnigiela. Fáddá ja doabaatnu buohcceviesus sáhttá maiddái leat eambbo moalkái go dat beaivválaš giella. Jus dus lea sámegiella eatnigiellan de dus lea riekti beassat atnit sámegiela buohcceviesuin (spesialistadearvvašvuođabálvalus). Sámi dulka geas lea kantuvrasadji UNN`as Romssas
Cuoŋománu 2023`as lea sámi dulka Henrik Johansen Eira sajis UNN`as Romssas. Sus lea kantuvra Breivikas, ja fállá dulkoma fysalaččat go boađat Breivik`ai, Åsgård`ai ja earenoamáš dáhpáhusain maiddái Hárstták`ai dahje Áhkánjárgii/Narvik`ai (Jus lea olu dahje stuora barggut seamma beaivvi).