Davvisámegiel dulka sihke bargiide ja pasieanttaide
Pasieanttat geain lea šiehtadus dahje šaddet ásahussii biddjot UNN`as, Nordlánda-buohcceviesus, Helgelánda-buohcceviesus dahje Finnmárku-buohcceviesus lea vejolašvuohta oažžut davvisáme dulkka gaskal diibmu 08.00 – 22.00 olles vahku.
Don válljet makkár giela don áiggut hupmat
Olu bargit UNN`as eai máhte sámegiela, ja mii leat dan dihte sorjavaččat oažžut rievttes ja čielggadeaddji dieđuid du dearvvašvuođa birra. Dat lea dan dihte dehálaš midjiide atnit dulkka. Min dulkkain lea jávohisgeatnegasvuohta. Pasieanttat vásihit dan dego oadjebasvuohtan atnit dulkka: Go lea buohcci, de lea álkibut atnit iežas eatnigiela. Fáddá ja doabaatnu buohcceviesus sáhttá maiddái leat eambbo moalkái go dat beaivválaš giella. Jus dus lea sámegiella eatnigiellan de dus lea riekti beassat atnit sámegiela buohcceviesuin (spesialistadearvvašvuođabálvalus).
Mot oažžut dulkka?
Don sáhtát diŋgot dulkka máŋgga ládje:
- Riŋges dulkabálvalussii 46 84 74 04.
- Riŋges ovttadahkii gos dus lea diibmošiehtadus.
- Diŋgo dulkka fástadoaktára čađa.
Ovddalgihtii diŋgon sihkkarastte ahte dulkkas ii leat eará dulkon. Sámi dulkonbálvalus jođihuvvo Finnmárkku buohcceviesus, ja don gávnnat visot dieđuid bálvalusa birra sin neahttasiidduin.
Visot sámi dulkonbálvalusa birra (finnmarkssykehuset.no)