Davvisámegiel dulka bargiid ja pasieanttaid várás

Pasieanttat geain lea šiehtadus dahje geat sisačálihuvvojit UNN, Nordlándda Buohcciviessu, Helgelándda buohcciviessu dehe Finnmárkku Buohcciviessu ossodagaide, sáhttet oažžut davvisámegieldulkka beaivválaččat gaskal dii. 08.00–22.00.

Dulkon gaskal pasieantta ja divššodeaddji sáhttá čađahuvvot buohcciviesus, Skype dahje telefovnna bokte. Dulkka bargu lea dušše

Dulkon gaskal pasieantta ja divššodeaddji sáhttá čađahuvvot buohcciviesus, Skype dahje telefovnna bokte. Dulkka bargu lea dušše dulkot ságastallama pasieantta ja divššodeaddji gaskkas, ja sus lea jávohisvuođageatnegasvuohta.

Don válljet ieš guđe giela háliidat geavahit
UNN:s (Davvi-Norgga universitehtabuohcciviesus) leat olu bargit geat eai hálddaš sámegiela, ja midjiide lea hui dehálaš oažžut rivttes ja vuđolaš dieđuid du dearvvašvuođa birra. Danne lea dehálaš midjiide geavahit dulkka. Min dulkkain lea jávohisvuođageatnegasvuohta. Pasieanttat vásihit oadjebassan geavahit dulkka; go olmmoš lea buozas de lea geahppaseamos hupmat ja muitalit iežas eatnigillii. Fáttát ja sániid mat adnojit buohcciviesus sáhttet leat váddáseabbo ipmirdit go beaivválaš ságastallamis. Jus dus lea sámegiella eatnigiellan, de dus lea riekti sámástit go deaivvadat Earenoamášdearvvašvuođabálvalusain.

Mot oaččut dulkka?
Don sáhtát riŋget ossodahkii gosa leat gohččojuvvon, dahje don sáhtát diŋgot dulkka ovdagihtii fástadoaktára bokte. Go ovdagihtii diŋgot de lea álkibut sihkkarastit ahte dulkkas lea áigi. Lea maid vejolaš oažžut dulkka go boađát buohccivissui. UNN bargit háliidit fállat sámegiela hálddašanguovllu pasieanttaide dulkoma, muhto muittut sin áinnas jus it oaččo fálaldaga. Bargit maid dávjá eai dieđe guđet pasieanttat háliidit sámástit. Pasieanttat geat ásset olggobealde sámegiela hálddašanguovllu fertejit danne ieža bivdit dulkka.

Fant du det du lette etter?
(På grunn av personvernet kan du ikke sende personlig informasjon som din epostadresse, telefonnummer eller personnummer)